Matussutissiissutip nassuiaatigineqarnera

 

Pisortat siusinaartumik sulisinnaajunnaarnermi pensionisiaqalernissamik qaffasinnerpaamik pisartagaqalernissamut akuerineqarsimaguit, taava pisinnaatitaavutit napparsimasutut nalunaaruteqarneq sioqqullugu qaammatit 24-t kingulliit agguaqatigiissitsilluni qaammatit tamaasa soraarnerussutisiaqalernissamut akileeqataassutsivit annertoqataannik pissarsiaqarnissannut.

Siusinaartumik sulisinnaajunnaarnermi pisortanit pensionisiaqalernissamik qaffasinnerpaamik ataavartumik pisartagaqalernissaq § 17 naapertorlugu aamma utaqqiisaagallartumik § 19 naapertorlugu akuerineqartarput, Siusinaartumik pensionisiat pillugit Inatsisartut inatsisaat nr. 40, 9. december 2015-imeersoq naapertorlugu.

Imaappat Sulisinnaassuseqarnermik annaasaqarnermut sillimasiissut ilinnut soraarnerussutisiaqalernissamik aaqqissuussinermut ilanngunneqarsimalluni, Forenede Gruppeliv-imi matussuserneqarluni, taava pisartakkamik tunniussisarnermi maleruaqqusat sillimasiinermut piumasaqaatini taakkununnga attuumassuteqartuni malinneqassapput.  

Pisartakkat tunniunneqartarnerat qanoq sivisutigisumik ingerlasarpa

Pisartakkat tunniunneqartassapput utoqqalinersiaqarneq pillugu Inatsisartut Inatsisaanni utoqqalinersiaqalernissamut qassinik ukioqarnissaq qaqugukkulluunniit aalajangersarneqarsimasup nallernissaata tungaanut.

Pisartagaqaruit utoqqalinersiaqarneq pillugu Inatsisartut Inatsisaanni utoqqalinersiaqalernissamut qassinik ukioqarnissap qaffanneqarnerat ilutigalugu, taava pisartakkat unitsinneqassapput piffissami illit pisartagaqalernissamut pisinnaatitaalernerpit nalaani utoqqalinersiaqalernissamut ukiut qassinik ukioqarnissamut atuuttut nallerukkit.

Pisartagaqartitaaneq atorunnaarsinnaava

Pisartagaqartitaaneq atorunnaarsinneqarsinnaavoq tamatumunnga tunngatillugu piumasaqaataasut atorunnaarpata. Uagut qaqugukkulluunniit tamanna pillugu uppernarsaasersuinissamik piumasaqarsinnaavugut, tassa illit pisortat siusinaartumik sulisinnaajunnaarnermi pensionisiaqalernissamik qaffasinnerpaamik pisartagaqalernissamik akuerineqarsimaninnut tunngatillugu.

Matusissutissaarunneq

Qaammatit tamaasa soraarnerussutisiaqalernissamut akileeqataassutaasartut unippata taava ilinnut matusissutissaqartitsineq automatiskiusumik ullut 60-it qaangiunneranni unissaaq. Tamatumunnga atatillugu uagut ilinnut allakkatigut nalunaarfigaatsigit, ilinnut soraarnerussutisiaqalernissamut aaqqissuussinermut soraarnerussutisiaqalernissamut akileeqataassutit akilersorneqarunnaartut.

Sillimmat atorunnaassaaq 67-nik ukioqaleruit imaluunniit katersatit tigooralereersimagukkit. 

Ilaasortanut SIK-ip isumaqatigiissutaanik atorfilinnut sillimmateqarnermi piumasaqaatit immikkoortut atuupput, tassani katersat minnerpaamik 5.000 kr.-it angugunikkit sillimmateqassammatatamannalu atuutissaaq 70 inorlugit ukiulinnut soraarnerussutisiassanillu tigooraalereersimanngitsunut.

Ajourført 25.01.2022