Ilaasortanik sullissisoq

SISA Pension-imut sullissisoq

… Kalaallit Nunaata tamarmi soraarnerussutisiassanik aningaasaateqarfia

 

Kalaallisut/danskisut marlunnik oqaaseqartuuit, aamma Kalaallit Nunaata ineriartortinneqarneranut peqataarusussinnaavat? Aningaasaqarnermut tunngasunik piginnaasaqarpit ilinniarnerillu akilerneqarluni suliffissarserusussinnaavit? Kalaallit Nunaanni/Nuummi najugaqaruit ilinniarnerullu soqutinartup ilaatut Danmarkimukarnissannut sapiissuseqarpit,

 Taava imaaqa suliffissannik peqarpugut!

SISA pillugu

SISA Kalaallit Nunaanni soraarnerussutisiassanik aningaasaateqarfiuvoq ilaasortanit pigineqartoq, taassumalu suliassaraa Kalaallit Nunaanni kattuffinnut inuussutissarsiortunullu annertunerpaamik iluanaaruteqarluni ajutoorfiusinnaasullu annikinnerpaajutillugit soraarnerussutisiassanut aaqqissuussinernik pilerinartunik pilersuinissaq. SISA Kalaallit Nunaanni soraarnerussutisiassanik aningaasaateqarfittut 1999-imi pilersinneqarpoq Nuummi angerlarsimaffeqartoq. SISA-p allatseqarfianiit  ilaasortat kalaallisut danskisullu sullippai. SISA 41.000-ngajannik ilaasortaqarpoq, taakkunanngalu 20.700-t akiliisarlutik. Suliffeqarfik soraarnerussutisiassanut tapiissutinik ukiumut 300 millioner kr.-ngajannik tigusaqartarpoq. soraarnerussutisiassaniillu pisuussutit 5 milliarder kr.-ngajaat aqullugit.


Allaffipput Nuummi inissisimavoq, suliffeqarfitsinniippullu Ilaasortanik sullissivik maannakkut pingasunik sulisoqartoq, tamassumalu saniatigut Ajutoorfiusinnaasunik aqutsiveqarfeqarpugut CRO-tta akisussaaffigisaa.

COO-tta ingerlatsineq, tuniniaaneq siunnersuisarnerlu akisussaaffigai, CEO-lu tamanut akisussaasuuvoq. COO aamma CEO Danmarkimi Kalaallillu Nunaanni sulisarput.

Siulersuisunut Allatseqarfimmi aqutsisoq aamma Nuummit allaffimmi sulisarpoq.

Anguniagarput tassaavoq Nuummi Ilaasortanik sullissivitta suli pitsaanerulersikkiartornissaa, aammalu ingerlatsinerup allafffissornerullu annertunersaat Kalaallit Nunaannit tiguneqarnissaat. Tamanna siunertaralugu ilinniartutut atorfimmik suli ataatsimik pilersitsivugut, tassanilu Ilaasortanik Sullissivitsinni sullissartutut atuuffeqarneq isiginiarneqarpoq.

Atorfimmi COO qullersarineqassaaq.

 

Atorfik pillugu

Aalajangersimasumik suliffissat Nuummiippoq. Atorfimmut sukumiisumik isertinneqassaatit, peqatigitillugulu Forsikringsakademimi ilinniarneq aallartissallugu. Tassani Danmarkimi ilinniagaqarnermik Nuummilu suliffeqarnermik ingerlataqassaatit.

Anguniagaq tassaavoq ukiut sisamat missaanni ”Sullissanik Sullissisartut Akuerisaasutut” ilinniarnerup tamarmiusup naammassinissaa, tassa Forsikringsakademimi qaffasissutitsit 3 aamma 4 (tamanna pillugu uani annertunerusumik atuarit www.forsikringsakademiet.dk/). Ilinniarneq naammassigukku SISA-mi atorfeqaannassaatit.   

Siunissami – atuagarsorluni ilinninarnernut tamarmiusumut naleqqussarlugu – ilaatigut ukuninnga suliaqartssaatit:

  • Suliffeqarfinnik sullissanik isumaqatigiissuteqarfigisanilu sullissineq, sulisitsisut sulisullu.
  • SISA-mi soraarnerussutisiat pillugit paasisitsiniaasarnerit.
  • SISA-p IT-mi nalunaarsuiffiani soraarnerussutisiat pillugit isumaqatigiissutinik pilersitsisarneq.
  • Ilaasortanut soraarnerussutisiaqarnissamik isumaqatigiissuteqartunut sillimasiinermi matussutissanik pilersitsisarneq.
  • Paasissutissanik tamarmiusunik nalilersuisarneq.
  • Salliutinneqartussanik nalunaarutinik nalunaarsuisarneq suliaqartarnerlu.
  • Akiliutinik suliaqartarneq.
  • Akiliutinut tunngatillugu sulisitsisunut nangiteqqiisarneq.
  • Isumaqatigiissutinik atuuttunik allannguisarneq.
  • Ajoqusernernik suliaqartarneq (toqusoqarnerani, peruluutaasumik napparsimasoqarnera, sulisinnaajunnaartoqarnerani utoqqalinersiaqalernermilu).
  • Ajoqusernernut akiliisarnerit.
  • Soraarnerussutisiassanik pilersuisunut allanut taakkunanngaaniillu nuussinernik suliaqartarneq.

SISA-mi suliffeqarninni ilinniarninni suleqatigiinnut ilaasaatit, tassani ilaatigut suliassat atuagarsorluni ilinniarnermut toqqaannartumik tunngassuteqartut suliarisassallugit. Atuagarsornermi ilisimasaqaleriartortillutit atorfimmi suliamik ingerlatsinermi unammilligassaleriartornerussaatit.

Illit pillutit

Forsikringsakademimi taamaallaat ilinniartitsinerit Danmarkimi pissutsinut tunngassuteqartut neqeroorutigineqarmata, Kalaallit Nunaanni pissutsit Kalaallit Nunaanni atorfeqarnermi ilinniarneqassapput. Taammammat Danmarkimi ilisimasat Kalaallit Nunaanni pissutsinut timitalerneqartarnissaat pingaaruteqarpoq.

Naatsorsuutigaarput marlunnik oqaaseqartuusutit (kalaallisut/danskisut), tamaalillutillu oqaatsit taakku marluk atorlugit sullissanut attaveqarsinnaassasutit. Peqatigitillugu takorloorparput inuttut nammineersinnaassasutit aaqqissuussamillu sulisinnaassasutit nalilersuilluartarsinnaassasutillu, tassunga ilangullugu pissutsinik allaanerusumik isiginnilersitsisinnaassuseqassasutit. Immaqa inuk alapernaatsuuvutit paasisaqarusuttarlutillu, pissutsinik isornartorsiuillu isummersinnaasoq ilisimasanillu saqqummivigineqarfigisannik allatut paasisaqalersinnaasoq. Ilaatigut aningaasaqarnermik aamma/imaluunniit inatsisilerinermik paasisimasaqarneq/paasinnissinnaaneq iluaqutaassaaq, piumasaqaatanngilluinnarlunili.

Naggasiullugu inuttut ammasuuvutit, tatiginartuullutit, suliffimmik paarsisinnaavutit sullisserusuttuullutillu aamma pitsaasumik attaveqalersinnaassuseqarputit. Angusaqalersitsinissamut kajumissuseqarputit, ataatsimullu anguniakkat anguniarlugit suleqatigiinni tunniusimallutit sulisinnaallutit.

 

Neqeroorutigaagut

Suliffik akiliunneqarlunilu ilinniarneq ataatsimoortillugit neqeroorutigaagut – suliamik ingerlatsinermi inuttut annertuunik unamminartoqarfiusut, sulisut pikkorissut aamma Kalaallit Nunaanni inuiaqatigiinnut isumassarsiuffiusartunik atassuteqarfippassuaqarneq. Aamma suliffik pitsaasunik atugassaqarfiuvoq piginnaasallu malillugit akissarsiaqarfiulluni.

Atorfimmi aallaaviusumik inissaqartitsisoqanngilaq.

Soqutiginnippit?

 

Una tuugassaq toorlugu atorfimmut qinnuteqarit, tassani qinnuteqaatit CV-llu nassiussinnaavatit.

Atorfik pillugu apeqqutissaqartuit Mette Landau Landau Headhunting-imeersoq mobilikkut + 45 2190 2188 attaveqarfiginisaanut tikilluaqqusaavutit.

Landau Headhunting sulisussarsiornermik ingerlatsivoq qinnuteqaatillug ingerlaavartumik atuarneqartassapput. Piffissap qinnuteqarfissap naanerani atorfinitsinneqarsinnaasut aggersarsinnaanissaat sillimaffigineqassaaq.

 

Tusarfiginissat qilanaaraarput!

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14 (UTC-3), kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.