Peruluutaasumik napparsimaleruit imaluunniit napparsimanermik pissuteqartumik sulinerpit ingerlannissaa ajornakusoortilerlugu, taava arlalitsigut SISA ikiuussinnaavoq. Sapinngisamik siusissukkut uagutsinnut saaffiginnigit, taamaalilluta ikiorsinnaassagatsigit imaluunniit siunnersorlutit.

Apeqqutaalluinnarluni isumaqatigiissut sorleq tunngavigalugu atorfeqarnersutit imaluunniit illit sulisitsisuit SISA-mut qanoq isumaqatigiissuteqarsimanersoq, taava illit sillimmasiinernik tulliuttunik matusissutissaqartinneqarsinnaavutit:

• Nappaatit Ilaat Peruluutaasut
• Soraarnerussutisiaqalernissamut akileeqataassutip atorunnaarnera
• Sulisinnaassuseqarnermut Piginnaasaqarnermik Annaasaqarneq

Matusissutissat sukumiinerusumik allaaserineqarnerat uaniippoq SILLIMMASERNEQARNEQ

Nappaatinut perulunnartunut tunniussisinnaanermut suleriaaseq

Apeqqutaalluni tunniussassaq suunersoq aamma apeqqutaalluni isumaqatigiissut sorleq pineqarnersoq, tunniussiniarnermi piffissaq – suliami aalajangersimasumi paasissutissat tamakkiisut pissarsiarineqarsimalerpata - qaammatip ingerlasup naaneraniit qaammatip ataatsip ingerlasimalernerata missaa qaangiuppat pissaaq.

Suliani pisariusuni tunniussiniarneq sivisunerusunnaavoq.