Saqqaa

Sulinermik Inuussutissarsiuteqartut Soraarnerussutisiaqalernissamut Aningaasaateqarfianut SISAmut tikilluarit

Nittartakkami uani illit soraarnerussutisiaqalernissannut katersatit pillugit paasissutissat atuarsinnaavatit. Illit soraarnerussutisiaqalernissannut katersatit pillugit annerusumik paasisaqarusukkuit SISA attavigisinnaavat.

… Kalaallit Nunaata soraarnerussutisiaqalernissamut aningaasaateqarfia

                              

 

SISA BANKNORDIKILU PENSIONIMUT AKILIUTINUT ATATILLUGU INGERLATSINERMUT ISUMAQATIGIISSUSIORPUT

Kalaallit Nunaanni pensionskasset annersaat, SISA, BankNordikilu pensionimut akiliutinik allaffissornikkut ingerlatsinermut isumaqatigiissusioqqammerput. Isumaqatigiissusiaq nutaaq pensionskassemut immikkut tulluarsagaavoq, taamaasillunilu SISA iluarnerusumik pisariinnerusumillu kiffartuunneqalerpoq. Tamanna pillugu uani annertunerusumik atuaruk.

Ajoraluartumik Akileraarnermik Aqutsisoqarfimmiik akileraarutinut inaarummik naatsorsuutit kukkuneqarsimammata, ilaasortagut tamarmik aamma eqqugaapput.

Akileraartarnermut Aqutsisoqarfik nalunaaruteqarnera uani atuarsinnaavarsi:

"Akileraarutinut inaarummik naatsorsuutit nassiunneqareersut paasineqarpoq naatsorsuutit innuttaasunut ukununnga ajoraluartumik kukkuneqartut:
• Innuttaasut sulisitsisui Kalaallit Nunaanni soraarnerussutisiaqalernissamut aaqqissuussinermut akiliuteqartut
• Innuttaasut tjenestemanditut qallunaat naalagaaffianni atorfeqartut 
Innuttaasut taakku soraarnerussutisiaqalernissamut peqataasussaatitaanermut katersat naatsorsuutaannik nutaamik piaartumik nassiussiffigineqassapput. Akileraartarnermut Aqutsisoqarfiup kukkussuteqarneq ajuusaarutigaa.

Qulaani allassimasut pillugit apeqqutissaqaraanni saaffissaavoq Namminersorlutik Oqartussat, Akileraartarnermut Aqutsisoqarfik, Postboks 1605, 3900 Nuuk, oqaras. +299 34 65 10, mail: tax@nanoq.gl"

Ugguuna Naalakkersuisut nalunaarutaat atuarsinnaavat: https://aka.gl/kl-GL/News/2019/08/Slutopgoerelse

SIK-ip isumaqatigiissutai tunngavigalugit suliffeqartut nappaatit perulunnartut ilaannut sillimmasernerat

Sulinermik inuussutissarsiuteqartut sulisartut kattuffiata SIK-ip isumaqatigiissutaanik tunngaveqarlutik sulinerminni atugassaqartitaasut SISA-mi soraarnerussutisiassanik aaqqissuussiffigineqarput. Soraarnerussutisiassanik aaqqissuussineq taanna 1. oktober 2018 annertusineqarpoq nappaatit perulunnartut ilaannut sillimmasernermik taamaalillunilu ilaasortat minnerpaamik 5.000 kr.-inik katersaqartut 100.000 kr.-inik akileraarut sioqqullugu tunineqarsinnaalersillugit. Tamanna pillugu uani annertunerusumik atuaruk.

Sulinermik Inuussutissarsiuteqartut Soraarnerussutisiaqalernissamut Aningaasaateqarfiat
Arbejdstagernes Pensionskasse, cvr.nr. 36 52 22 32  
Issortarfimmut 11/102 Box 9, 3900 Nuuk
T: +299 32 40 22    (10:00-14:00)
F: +299 32 71 30
E: sisa@sisa.gl