Matussutissiissutip nassuiaatigineqarnera

Pisortat siusinaartumik qaffasinnerpaamik pensionisiaannik pisartagaqalernissaq
akuersissutigineqarpat, tamatumunnga pissutaallutik timikkut ajoquteqarneq imaluunniit tarnikkut napparsimaneq, akiliisarnerit nanginneqassaaq qaammatit kingulliit 24-it akiliisarsimanerpit agguaqatigiisinnerannik.

Qaffasinnerpaamik siusinaartumik pensioneqalernermi akuerisaaneq pisarpoq §17 naapertorlugu aammalu utaqqiisaasumik akuerineqarneq §19 naapertorlugu najoqqutaralugu Siusinaartumik pensionisiat pillugit Inatsisartut inatsisaat nr. 40 ulloq 9. decembari 2015-meersoq

Soraarnerussutisiaqalernissamut aaqqissuussavit Sulisinnaassuseqarnermut Piginnaasaqarnermik Annaasaqarnermut Sillimmasiissut-mik imaqarsimappat, sillimmammi tunniussinissamut malittarisassat malillugit tunniussisarneq ingerlanneqassaaq.

Akilersuinngikkallartitaaneq qanoq sivisutigisumik ingerlasarpa

Soraarnerussutisiaqalernissannut katersinivit nanginneqarnera ingerlanneqassaaq Inatsisartut Inatsisaanni soraarnerussutisiaqalernissamut ukiorititaq anguneqarnissaa tikillugu.

Akilersuinngikkallartitaaneq ingerlanneqarnerani soraarnerussutisiaqalernissamut ukiorititaq Inatsisartut Inatsisaanni qaffanneqassappat, sillimmat atorunnaarfigissavaa ukiorititaq atorneqartoq sillimmat atuutilernerani.

Akilersuinngikkallartitaaneq atorunnaarsinnaava

Akilersuinngikkallartitaanermut sillimmat atorunnaarsinnaavoq piumasaqaatini akuersissutaasut atuukkunnaarsimappata. Uagut qaqugukkulluunniit piumasaqarsinnaatitaavugut, qaffasinnerpaamik pensionisiaqarnerit atuunneranut uppernarsaammik takutitsisissasutit.

Sillimmaseqqajunnarneq

Qaammammut akilioraaneq unissimatillugu ullut 60-it sinnerlugit akilioraasoqarsimanngikkaangat sillimmat atuukkunnaartarpoq. Tassunga atatillugu allagarsitinneqarputit kalerrinneqarlutit, katersannut akilioraanerit unissimasut. Sillimmat atuukkunnartarpoq 67-nik ukioqalernermi imaluunniit soraarnerussutisiassat tunniussuunneqalersimatillugit.

Opdateret 31.03.2025/PHL