Pissutsit amerlasuut isummerfigineqartussaapput qanigisamit annaasaqarnermi. Suliarisassat taamatullu apeqqutit aningaasanut tunngasut pilersinnaapput - piffissami aliasuuteqarluni misigisimanermi.

SISA-mi soraarnerussutisiaqalernissamut aaqqissuussineq sillimmasiissutinik assigiinngitsunik arlalinnik ilaqarsinnaavoq, taakkua salliutinneqartunut tunniunneqartarput ilaasortap toqukkut qimagunnerani. Soorlu assersuutigalugit tassaasinnaapput:

• Toqukkut qimagunnermi matusissutissatut ataatsikkut tunniunneqartussat
• Meeqqat soraarnerussutisiassaat
• Katersanik qulakkeerinninneq

Sillimmasiinerit inuit ataasiakkaat soraarnerussutisiaqalernissamut aaqqissuussinerani assigiinngitsuusinnaapput - kisianni SISA-mi aaqqissuussinerit tamarmik katersatut qulakkeerneqarput. 

 

Toqukkut qimagunnermi periuseq

Ilaasortaq toqukkut qimaguppat tamanna pillugu SISA inuit allattorsimaffiannit ilisimatinneqartarpoq.

Tamatuma kingornatigut ingerlaannartumik suliarineqalertarpoq salliutinneqartunut pisassaritinneqartut tunniunneqarnissaat.

Qaamaatit marlussuit ingerlasarput tunniussinissamut suliap naammassineqarnissaata tungaanut.