Aningaasat naliisa ineriartornerat

Takutitassiaq ataaniittup takutippaa Annertusiartortitsineq-imi (Vækst) aamma Aalaakkaasoq-imi (Stabil) aningaasat naliisa ineriartornerat ullukkaartumik ineriartorneri 1. November 2016 aallarnerfigalugu. 

Takutitassiaq qaammatikkaartumik nutarterneqartarpoq. 

 

Iluanaarut

SISA-mi soraarnerussutisiassannut katersaqaruit quppersagarput atorlugu PENSIONISIASSAKKA aqqutigalugu soraarnerussutisiassatit ullut tamaasa erniortinneqarnerat malinnaaffigisinnaavat.

Takussutissiami ataaniittumi takusinnaavatit pigisat nalillit qaammatini kingullerni erniaat pissarsiarineqarsimasut, ukioq manna aamma qaammatini kingullerni 12-ini aamma qaammatini kingullerni 36-ini. Erniatut pissarsiarineqarsimasut tassaapput piffissani taaneqartuni pissarsiat, taakkua ukioq kaajallallugu pissarsiatut naatsorsuugaanngillat.

 

2025	Decemberi	Ukioq manna ulloq manna tikilluga	Qaammatit kingulliit 12-it	Qaammatit kingulliit 36-it	Qaammatit kingulliit 60-it
Annertusiartortitsineq	1,21 %	6,07 %	6,07 %	41,44 %	42,15 %
Aalaakkaasoq	1,25 %	6,17 %	6,17 %	23,78 %	13,76 %

Opdateret 12.01.2026

 

 

Iluanaarut ukiukkaarlugu immikkoortitaq.

	2025	2024	2023	2022	2021	2020	2019	2018	2017
Annertusiartortitsineq	6,07 %	16,98 %	14,19 %	-14,10 %	16,98 %	8,69 %	18,52 %	-8,22 %	10,02 %
Aalaakkaasoq	6,17 %	8,38 %	7,60 %	-12,96 %	5,58 %	4,75 %	7,59 %	-2,88 %	5,04 %

Niuffaffinni tunngasunik oqaaseqaatit

Kvartalit tamaasa aningaasaatinik nakkutilliisorput Danske Bank Asset Management suleqatigalugu niuerfik pillugu oqaaseqaatit saqqummiuttarpavut. Tassani allaaserisarparput kvartalimi siuliani pissutsit qanoq ittut aningaasaliinitsinni iluanaaruteqarfigisimanerivut – kiisalu kvartalimut tulliuttumut suut naatsorsuutigisatsitut takussutissartaqarnersut. 

Uninngasuutit

SISA aningaasaliiffigisaasa amerlanerpaartaat Danske Bank Asset Management-imit Danmarkimiittumit nakkutigineqarlutillu isumagineqarput. Tassani katersat pappiaqqanut aningaasanut nalilinnut aningaasaliissutigineqartarput, tassaasarlutik aktiat aamma obligationit.

 

Taakkua saniatigut SISA toqqaannartumik aningaasaliiffigisarpaaloqarpoq. Taakkunannga amerlanerit Nunatsinni aningaasaliiffiginninnerupput aamma 2020-imi SISA Danmarkimi EIFO-ini aamma Nalik suleqatigiinnissamik atsioqatigivai ataatsimoorluta Nunatsinni suliffeqarfinnut aningaasaliissuteqartarnissamut siunertalimmik. SISA sinnerlugu EIFO tassaavoq ulluinnarni aningaasaliiffigisanik ingerlatsisussaq, taamalu peqatigiit taakkua pingasuusut tamarmik immikkut pingajorarterutaasumik aningaasaliiffigisani ataasiakkaani aningaasaliissuteqartussaallutik. Taakkua manna tikillugu ingerlatsiviit pingasut aningaasaliiffigisaat tassaapput:

• Usisaat ApS
• Amaroq Minerals
• Bluejay Mining plc
• EMJ-Atcon Greenland A/S
• Greenland Anorthosite Mining ApS
• Avani Homes ApS
• KS Glas ApS (finansiering af ejerskifte)
• South Greenland Boat Charter 44
• Dykkerfirmaet MASIK
• Itinnera Solutions ApS (The Rock Flour Company ApS)
• Polar Seafood Greenland A/S

SISA Nuummi inissianik 5-nik pigisaqarpoq aamma Organisationernes Hus-imik piginneqataalluni, taanna allaffeqarfinnik pigisaqarpoq SIK-ip, NSIP-ip aamma SISA agguarlugit attartugarisaannik. Taavalu SISA Aalborg-imi allaffeqarfissuarmik piginneqataavoq Royal Greenland-ip attartugaanik.Kiisalu Aalborg-mi illorsuarmi allaffeqarfimmi Royal Greenland-p pigisaani piginneqataavugut, aammalu Royal Greenland-p allaffeqarfissuata sanaartorneqarneranut isumaginnittumut illuliorfeqatigiimmut piginneqataalluta.

SISA annertunngikkaluarnik aningaasaliissuteqarnikuuvortaaq nunarsuaq tamaat isigalugu aningaasaliissuteqartarnernik siulertalinnut, taakkua ingerlatsivinnut aningaasaliissuteqarfigisassanut nutaanut allanut tunaartalimmik ingerlasuupput, taakkua mingutsitsinngitsunik nukissiuutiliornermik pilersaarutaallutik.

Danske Bank Asset Management-imit isumagineqartut aningaasaliiffigisat uani takuneqarsinnaapput (decembari 2023).