Ileqqaakkatit uninngasuutitit qanoq qaqugu SISA-mit soraarnerussutisiaqalernissamik neqerooruteqartumut allamut nuunneqarsinnaappat?

• Illit soraarnerussutisiaqalernissamut isumaqatigiissummut tamat peqataaffigisaannut sulisitsisuit aamma soraarnerussutisiaqalernissamik neqerooruteqartup allap akornanni isumaqatigiissutigisimasaannut ilanngussimassaatit.

Soraarnerussutisiaqalernissamut isumaqatigiissut tamat peqataaffigisaat tassaavoq sulisut tamarmik - imaluunniit sulisut ilaat nassuiaaserneqarluarsimasut, illit peqataaffigisatit aamma kinaassusersiunngitsumik toqqarneqarsimasut - soraarnerussutisiaqalernissamut aaqqissuussinermik peqassasut, kisianni sulisunut ataasiakkaanut neqerooruteqartumik toqqaaneq nammineq aalajangerneqarsinnaavoq.

imaluunniit

• Illit kattuffiit isumaqatigiissutigisimasaanni atugassarititaasut isumaqatigiissummiittut tunngavigalugit atorfeqartinneqassaatit, tassani aalajangersarneqarsimassallutik soraarnerussutisiaqalernissamik neqerooruteqartumit aallamit soraarnerussutisiaqarnissamut piumasaqaatit

Piumasaqaatit matuma siuliiniittut eqqortinneqarsimanerat pillugit uppernarsaasersuutit SISA-p tigussavai.

 

Pisuni allani tamani ileqqaakkatit uninngasuutitit soraarnerussutisiaqalernissamik neqerooruteqartumut allamut nuunneqarsinnaanngillat.

 

Uninngasuutit naleqarnerat qanoq nuunneqarsinnaava?

Nuussinissamut immersugassaq immersussavat atsiorlugulu paasissutissat kissaatigineqartut tamaasa ilanngullugit. Immersugassaq pissarsiarineqarsinnaavoq uani Saqqummersitat.

Soraarnerussutisiaqalernissamut sullissisuit nutaap immersugaq SISA-mut nassiutissavaa, tassunga ilanngullugit uppernarsaasersuutit kissaatigineqartut.
Piumasaqaatit uppernarsaasersuutit matuma eqquutsinneqanngippata, ileqqaakkatit uninngasuutitit nuunneqarnavianngillat.

Sillimmasiinermut matusissutissaajunnartut qanoq pineqassappat?

Sillimmasiinermut matusissutissat ilanngunneqarsimappata soorlu assersuutigalugit:

• Nappaatit Ilaannut Peruluutaasunut matusissutissaq
• Sulisinnaassuseqarnermik Piginnaasaqarnermik Annaasaqarnermi matusissutissaq
• Toqukkut qimagunnermi matusissutissaq

taava matusissutissat atorunnaassapput ilinnut soraarnerussutisiaqalernissamut aaqqiissussineq SISA-mi unippat.

Akileraarutit

Inatsisartut Inatsisaanni normu 7, 6. juni 2016-imeersumi soraarnerussutisiaqalernissamut aaqqissuussinerit akileraaruteqartarnissaannut maleruaqqusat aalajangersarneqarput. Uninngasuutivit naliat soraarnerussutisiaqalernissamik neqerooruteqartumut nunami allamiittumut nuunneqarpat, taava SISA pisussaatitaavoq illit uninngasuutivit naliata 55 %-ianik nuunneqarnissaa sioqqullugu akileraartitsissalluni. Soraarnerussutisiaqalernissamik neqerooruteqartup tigusisuusup soraarnerussutisiaqalernissamut aaqqissuussinerit akileraaruserneqarsimasut suliarisinnaasariaqarpai, tak. soraarnerussutisiassat akileraaruserneqartarnerat pillugu inatsimmi §53A, Danmarkimi soraarnerussutisiaqalernissamik neqerooruteqartumut nuussisoqartillugu.

Aningaasartuutit

Uninngasuutit nalingata soraarnerussutisiaqalernissamik neqerooruteqartumut allamut  nuunneqarnerannut atatillugu SISA-mit aningaasartuutinut akiutissaq naatsorsorneqassaaq. Aningaasartuutit uninngasuutit nalingannik ilanngaatigineqassaaq nuussinissaq sioqqullugu. Akigitinneqartut aamma aningaasanut killiussat sisa.gl-imi takuneqarsinnaapput.

Immikkut piumasaqaatit

Nuussinermut atatillugu immikkut piumasaqaat ilanngunneqartussaq tassaavoq:
Aningaasat nuunneqartut inuunerup sinnerani pisartagarineqartussatut tunniunneqartassapput aamma tunniunneqassapput ilaasortaq utoqqalinersiuteqalernissamut ukiut inatsisikkut aalajangersarneqartut anguppagit Utoqqalinersiuteqarneq pillugu Inatsisartut Inatsisaat naapertorlugu.
Utertitsilluni piseqqinnissamut periarfissaqartitsisoqanngilaq.