Soraarnerussutisiassanut annikippallaamik ileqqaagaqarsimaneq

2020-imi naammattumik soraarnerussutisiassannut ileqqaagaqarnikuuit?

Massakkumut katersisussaatiitaneq malillugu takusinnaagukku 2020-imi illit soraarnerussutisiassannut ileqqaarneqarnikut naammanngitsut, taava periarfissaqarputit ileqqaagassatit amigaataasut massakkut akilersinnaavatit.

Siunnersortinnissannut tutsaqarfigisigut.

 

Soraarnerussutisiassanut ileqqaagassat amigaataasut

Akileraarnermik Aqutsisoqarfik ukiut tamaasa 31. august nallertinnagu nalunaarsukkanik nassiussisarpoq, tassani allassimasarlutik ukiup siuliani soraarnerussutisiassanut ileqqaarneqarsimasut inatsit malillugit naammattumik ileqqaartoqarsimanersoq.

Nalunaarsukkami allassimappat soraarnerussutisiassannut naammanngitsumik ileqqaagaqarsimasutit, taavalu amigaataasoq akiligassat 2.000 kr.-imiik annertuneruppat, taava Akileraarnermik Aqutsisoqarfiup piumasarissavaa amigaataasoq kingusinnerpaamik 1. november akilereerneqaasasoq Akileraarnermik Aqutsisoqarfimmullu uppernarsareerneqarluni.

Akileraarnermik Aqutsisoqarfiup akiliisimanermut uppernarsaat 1. november sioqqullugu pisimanngippagu, skatteprocenti qaffaanneqassaaq soraarnerussutisiassanut akiliutaasussaq amigaataasorlu skatteprocenti qaffaataasumiik akilersorneqartussanngortinneqarluni.

Paasisaqarnerorusukkuit una atuaruk Soraarnerussutisiaqalernissamut aaqqissuussinermut peqataasussaatitaaneq pillugu Inatsisartut inatsisaata allanngortinneqarnissaa pillugu Inatsisartut inatsisaat nr. 18, 30. november 2020-meersoq.

 

Uagutsinnut tutsaqaqqaartuaannarit

Pingaaruteqartorujussuuvoq soraarnerussutisiassanut akiligassatit ikinnginnerani uagutsinnut tutsaqaqqaarnissat.

Uagutsinnut tutsaqaqqaarnak soraarnerussutisiassannut ikisiinnaruit, ikisinerit iluamik nalunaarsorneqanngitsuussaaq uagullu Akileraarnermik Aqutsisoqarfimmut uppernarsaanissatsinnut ikiorsinnaanaviarnak.

 

Sulisitsisoq aqqutigalugu akilersuineq

Naliginnaasumik soraanerussutisiassannut akilioraanerit sulisitsisuppit ingerlataraa aammalu soraarnerussutisiassannut akilioraassuttarlutit.

Pingaaruteqarpoq aamma sulisitsisut isumaqatigiissuteqarfiginissaa soraarnerussutisiassanut akiiligassat akililerpata, sulisitsisut aqqutigalugu akilineqarnissaa.

Sulisitsisuppit paasitissavaatigut soraarnerussutisiassannut akiligassaq kontomut tunniunnikuusatsinnut akilersimappagu.

Takusinnaaleriarutsigu aningaasat ikisimasut, Akileraarnermik Aqutsisoqarfimmut uppernarsaammik mailikkut tax@nanoq.gl-mut nassiussissaagut. Uppernarsaammi tassani illit atit, inuup normua aammalu aningaasat ikineqartut annertussusaat ilaassaaq.

Uppernarsaat nammineq aamma perusukkukku, ilanngullutit uppernarsaammik mailikkut nassissinnaavatsigit - inuup normuanik allassimasoqanngitsumik.

 

Nammineq akilersuilluni ingerlatitseqqiineq

Nammineq soraarnerussutisiassannut akilersuiguit, akiligassannut assinganik naliginnaasumik akiliiginnassaatit. Eqqaamallugu ikisinnginninni tutsaqarfigeqqaartuaannassagatsigut.

Takusinnaaleriarutsigu aningaasat ikisimasut, Akileraarnermik Aqutsisoqarfimmut uppernarsaammik mailikkut tax@nanoq.gl-mut nassiussissaagut. Uppernarsaammi tassani illit atit, inuup normua aammalu aningaasat ikineqartut annertussusaat ilaassaaq.

Uppernarsaat nammineq aamma perusukkukku, ilanngullutit uppernarsaammik mailikkut nassissinnaavatsigit - inuup normuanik allassimasoqanngitsumik.

 

Soraarnerussutisiaqalernissaq uninngatinneqarallartoq

Soraarnerussutisiaqalernissat uninngasuutinneqarallalersimappat nammineerlutit soraarnerussutisiassannut akilersuileqqikkuit ilinnut iluaqutaalluassaaq. Soraarnerussutisiassannut katersinerit ingerlateqqikkusukkukku uagutsinnut tutsaqarit.

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14 (GMT-3), kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.