Tunniussinermi akileraarut

SISA-mi soraarnerussutisiassanik katersinermut atatillugu akiliuteqarnermi akileraarummut akiliisoqarneq ajormat, SISA-mit tunniussinermi imaluunniit tunniussuilernermi akileraarummut tamatigut akiliisoqartartussaavoq.

SISA pisussaatitaavoq soraarnerussutisiassat tunniunneqarneranut atatillugu aamma sillimmasernermut atatillugu tunniussisoqartussaatillugu akileraarummut akiliutissanik naatsorsuillunilu ilanngaateqartitsissalluni, akileraarutitullu ilanngaatigineqartut Kalaallit akileraarnermut isumaginnittoqarfianut ilangerlateqqissallugit, tunniunneqartussat ilaasortamut tunniutassaappata imaluunniit ilaasortaq toqukkut qimagussimappat kingornussisussanngortitaasunut tunniussassaappata apeqqutaatinnagu.

Immikkoortinneqassapput tamakkiisumik akileraartussaatitaasut aamma killilimmik Nunatsinnut akileraartussaatitaasut.

Nunatsinnut tamakkiisumik akileraartussaatitaaneq

Inuit Nunatsinni aalajangersimasumik najugaqartut (Inuit allattorsimaffianni nalunaarsorsimasut), imaluunniit inuit Nunatsinni qaammatini arfinilinni najugaqartut – ataannartumik sulinngiffeqarnermi assingusumilluunniit akunnilerneqarsimanngippat, tamakkiisumik Nunatsinnut akileraartussaatitaapput. Akileraarutissaq naatsorsorneqassaaq tunniussiffigineqartussap bikort-ia/frikort-ia tunngavigalugu aamma qaqugukkulluunniit Nunatsinni kommuunerisami akileraarutissatut procent-erititaasoq atuuttoq aallaavigalugu. Bikort-i imaluunniit frikort-i sap.ak. marluk ingerlaneranni tigusimanngikkutsigu SISA pisussaatitaavoq 45 %-imik akileraarummut ilanngaateqartitsissalluni.

Killilimmik Nunatsinnut akileraartussaatitaaneq

Inuit Nunatsinnut tamakkiisumik akileraartussaatitaanermut piumasaqaatinik naammassinnissimanngitsut tassaapput killilimmik Nunatsinnut akileraartussaatitaasut. Akileraarut naatsorsorneqassaaq pineqartup skattekort-iani paasissutissat allaqqasut tunngavigalugit "Udlændinge med ophold i mindre end 6 måneder" (F9). Akileraarut naatsorsorneqassaaq tigusisussap Kalaallit Nunaanniinnermini kommunerisaata kingulliup akileraarutissiisarnera atorlugu.

Immikkoortumik kingornussisussanut Kalaallit Nunaanni najugaqarnikuunngisaannartunut

Inuit kingornussisut toqukkut qimagunnikumiik, SISA-mi katersaqarnikumik, kisianni nammineq Kalaallit Nunaanni najugaqarnikuunngitsumik, aamma kingornussinermini killilimmik Nunatsinnut akileraartussaatitaassaaq. Taamatut pisoqartillugu toqukkut qimaguttup kingullermik kommunerisaa aaliangiisuusarpoq qanoq annertutigisumik akileraaruteqassanerluni. Toqukkut qimagunnikumit kingornussinermi akileraarut ilanngaateqanngitsumik naatsorsorneqartarpoq.

Danmarkimi najugaqaraanni, uunga annertunerusumik paasiniaasoqarsinnaavoq:

Kalaallit Nunaata Sinniisoqarfia
Grønlands Repræsentation Skattestyrelsen
Strandgade 91, 3. sal
1401 København K.
tlf. +45 3283 3800

www.ghsdk.dk

Inuit nunani allani najugaqartut, nunamut tassunga Nunatta marloqiusamik akileraarneq pillugu isumaqatigiissuteqarfigisimasaani

Nunarput nunarpaalunnik marloqiusamik akileraarnermut atassuteqartunut isumaqatigiissuteqarnikuuvoq – tamatumani Danmark aamma ilaavoq. https://aka.gl/kl-GL/Borger/SKAT/Skatteaftaler.

Ilaasortaq siunnersussavarput siunnersorneqarnissamut ilitsersorneqarnissamut tunngatillugu nunagisamini (inuit allattorsimaffianni nujugarisami nalunaarsorsimaffigisami) akileraartarnermut oqartussaasunut saaffiginneqqullugu. Imaassinnaavoq nunami najugarisami akileraarummik naatsorsueriaaseq soraarnerussutisiassat aamma imaluunniit sillimmasernermut tunngatillugu SISA-miit tunniunneqartussat Nunatsinnilu akileraarutissaasut pillugit naatsorsueriaaseq allaanerusinnaasoq.