På billedes ses:

COO Michael Linfos og Administrerende direktør Søren Schock Petersen fra SISA Pension og Direktør Jens Munch Holst og Chef for IT og digital udvikling Jesper Hvarness Kjeldgaard fra AkademikerPension. 

Nunatsinni soraarnerussutisiaqalernissamut aningaasaateqarfik SISA aamma AkademikerPension siunniussaqarlutik isumaqatigiissuteqarput, tamatumani pineqarluni AkademikerPension-ip 2025-imiit Nunatsinni soraarnerussutisiassanik katersallit 40.000-it Soraarnerussutisiassanik katersivimmi SISA-mi katersaat isumagilissagai.

AkademikerPension-imi ilaasortat 150.000-it ilaqalissapput kalaallinik soraarnerussutisiassanik katersalinnik 40.000-itsinik.

Nunatsinni soraarnerussutisiassanik katersivik SISA aamma AkademikerPension siunniussaqarlutik atsioqatigeeqqammerput AkademikerPension-ip 2025 aallarnerfigalugu soraarnerussutisiassat 40.000-itit Soraarnerussutisiassanik katersivimmi SISA-miittut allaffissornikkut isumagilissagai, isumaqatigiissut piffissaq sivisooq isigalugu isumaqatigiissutaavoq.

”AkademikerPension toqqarparput pissutigalugu ingerlatsivik IT-systemik nutaamik pilersitsisimammat, taanna atortorissaarut pissutsinut nutaajusunut ilaasortanut sullissisinnaanermik qulakkeerinnimmat pitsaasoq, digital-imillu pitsaasumik misigititsisinnaalluni. Ilutigitillugu suleqatitaassaagut peqqissaarnermik pingaartitsipput aammalu ammasumik ersarissumik sullissinissamik pingaartitsillutik,”  taama oqarpoq SISA-mi pisortaaneq Søren Schock Petersen.

AkademikerPension-ip aalajangersimasumik suliassaa tassaavoq IT tunngavigalugu ingerlatsineq aamma ineriartortitsineq, allaffissornikkut aningaasaanik tunngasunik aqutsineq aamma nalunaarusiortarnerit allallu. Ilaasortat suli SISA-mit sullinneqartarlutillu siunnersorneqartarnerat ingerlaannassaaq, taamatullu SISA-p isumagissavaa ilaasortat katersaasa erniortinneqarnerat.

Tunngaviusumik ingerlatsissut aalajangiisuusoq

SISA-mi ilaasortat malugissavaat sullinneqarneq pitsaanerusoq aammalu aningaasartuutikiffiunerusoq. Tassunga tunngatillugu aalajangiisuulluinnarpoq AkademikerPension-ip nutaamik tunngaviusumik aqutsissutitaarsimanera.

”Qaanittumi tunngaviusumik aqutsissummut nutaamut ikaarsaaqqammerpugut. Taamaattumik SISA neqoroorfigisinnaavarput IT-imik aqutsissummik ataatsimoorluta ineriartortissinnaasatsinnik,” taamatut oqarpoq Jens Munch Holst AkademikerPension-imik pisortaanerusoq.

Maannakkut pilersaarut tassaalerpoq isumaqatigiissummik sukumiisumik isumaqatigiissusiornissaq, tamannalu imatut isumaqassaaq SISA-p ilaasortaasa soraarnerussutisiassatut katersaasa allaffissornikkut aqunneqarnerat AkademikerPension-imi januar 2025 aallarnerfigalugu isumagineqalernissaat. Sukumiisumik isumaqatigiissut taanna SISA-p aamma AkademikerPension-ip naatsorsuutigaat oktober 2022 -ip naannginnerani naammassineqassasoq.

Paasissutissanik annertunerusunik paasiniaaaffigineqarsinnaavoq:

Jakob Tarpgaard
Presseansvarlig

Mobil: +45 6084 7090
Mail: jlt@akademikerpension.dk

Søren Schock Petersen
Administrerende Direktør

Telefon: +299 384031
Mail: ssp@sisa.gl