Ulluni makkunani Corona viirusi annertuumik qulequtaavoq. Killiffik amerlasuutigut qaqutigoortuuvoq. Viirusi aningaasanik niuerfinni taamaallaat nalornilersitsinngilaq, aammali annertuumik ulluinnarni suliatsinnik allannguillunilu qumartitsivoq, tamanna aamma illit nammineq malugisimassajunnarsivat, soorlu  allat angerlarsimaffimminniit sulisut assigalugit.

SISA-mi soraarnerussutisiassatut katersatut aningaasaliissutigineqartut eqqarsaatigalugit inassavatsigit eqqissisimaqqullutit. Ajornartoornerup nalaani, soorlu maannakkut taamatut pisup nalaaniittugut, eqqaamassallugu pingaaruteqarpoq soraarnerussutisiassanik katersineq tassaammat piffissaq sivisooq eqqarsaatigalugu toqqortuineq.

Naak aningaasanik nalilinnik niuerfinni ingerlaarneq annertuunik nikerarfiusimagaluartoq naatsorsuutigaarput niuerfinni pissutsit piffissap ingerlanerani aalajaalliumaartut. Nunarsuarmi tamarmi naalakkersuisut qitiusumillu aningaaserivissuit piffissami matumap nalaani iliuuseqartaarput aningaasarsiornerit tapersersorniarlugit aammalu suliffeqarfiit pisariaqartitsisut ikiorserniarlugit. Naatsorsuutigaarput nunarsuarmi tamarmi aningaasarsiorneq 2020-ip ukiuata aaffaani kingullermi qaffaqqikkumaartoq.

Annertunerusumik pineqartut pillugit paasisaqarsinnaavutit Niuerfinni pissutsit pillugit oqaaseqaatit atuarukkit.