Iluanaarutit 670,3 mio. kruuniupput

Iluanaarutit 670,3 mio. kruuniupput 27. januaarip 2022

SISA ilaasortat katersiviinut 2021-imi katillugit 670,3 mio. kr.-inik iluanaarutitut pissarsianit pissarsisitsivoq – taakkua 2020-imi pissarsianit marloriaammik annertunerullutik.

 

Ukioq 2021 aningaasaliissuteqarfiuvoq nunarsuaq tamaat isigalugu unammillernartoqarfiusimaqisoq. Taamaakkaluartoq ilaasortanut iluanaarutinik ajunngilluinnartumik pissarsiffiulluarsimavoq.

 

Iluanaarutit

Soraarnerussutisiassanik katersaqarneq tassaavoq piffissaq sivisooq eqqarsaatigalugu ”aningaasaliissuteqarneq”.

Tamannarpiaq pissutigalugu pingaaruteqarluinnarpoq suleqatigisassap eqqortup toqqarnissaa. SISA-mi suliarput tassarpiaavoq soraarnerussutisiassanik katersaqartitsineq aamma taakkununnga atasunik sillimmasiinerit assigiinngitsut.

 

Ukiut kingulliit 5-mat iluanaarutaasimasut

 

2021

2020

2019

2018

2017

Annertusiartortitsineq

16,98 %

8,69 %

18,52 %

-8,22 %

10,02 %

Aalaakkaasut

5,58 %

4,75 %

7,59 %

-2,88 %

5,04 %

 

Qaammatit kingulliit 60-it iluanaarutit katinneri

 

Qaammatit 12-it

Qaaammatit 36-it

Qaammatit 60-it

Annertusiartortitsineq

16,98 %

50,60 %

51,25 %

Aalaakkaasut

5,58 %

18,82 %

21,04 %

 

Ukiuni kingullerni 5-ni ilaasortat katersaannut katillugit 2 mia. kruunit iluanaarutitut ilassutigineqarsimapput.

 

Aningaasaliissuteqarnerit

SISA-imi ilaasortat katersaat tamakkiisumik aningaasaliissutigineqartarput. Tamanna imatut isumaqarpoq katersat konto-mi aalajangersimasumi inissisimanngitsut taamaalillutillu ilaasortat ”negativ rente”-imik akiliisitaasaratik.

 

Tunngaviusumik SISA-mit aningaasaliissutit marlunnut erniortitsivinnut inissitaapput:

  • Annertusiartortitsineq 60 %-ip missaat aktianut inissitaallutik.
  • Aalaakkaasut 20 % missaat aktianut inissitaallutik.

Katersat Annertusiartortitsinermiittut ilaasortat 59-inik ukioqalernissaasa tungaanut inissisimasarput. Ilaasortarlu 60-inik ukioqalerpat annertusiartuaartumik Annertusiartortitsinermiit Aalaakkaasunut nuukkiartuaartinneqartarput ilaasortap 70-inik ukioqalernissaata tungaanut.

 

Taamatut tunngaviusumik erniortitsivinnut marlunnut inissiilluni aaqqiisimaneq isumaqarpoq aningaasaliissuteqarnermi piffissaq sivisooq isigalugu aaqqissuussisimaneq qanoq ukioqarnermik aalajangerneqartartoq. Katersivik tamaat isigalugu taamaalilluni periarfissaqarpoq katersat annertusersaat aktianut aningaasaliissutigineqarsinnaaneri, taamaalinikkullu aarlerinaateqarsinnaasutut taaneqarsinnaasumik aningaasaliissuteqarfiusumik, kisianni aamma tamanna erniortitsilluarfiusinnaanerusumik periarfissiisarpoq. Soraarninngornissap qanilliartornerani aarlerinaataasinnaasoq taanna milliartortinneqartarpoq.

 

Taamatut pissuseqarneq imatut takussutissiarineqarsinnaavoq: 

 

Aningaasaliissuteqartarnermut tunngatillugu SISA Nunatsinni siunissami aningaasaliissuteqartarnissamut immikkut ukkataqariartulerpoq, aningaasaliissuteqarneq imatut pisinnaappat piffissaq sivisooq eqqarsaatigalugu erniortitsinerup aamma aarlerinaateqarnerup naapertuuttumik pitsaassusilimmik kinguneqarsinnaassappat aningaasat isumagineqartussanngorlugit nakkutigisat eqqarsaatigalugit. Marts 2019-imiilli Vækstfonden aamma Greenland Venture peqatigalugit aningaasaliissuteqarnermik suleqatigiissuteqarsimavugut, tamatumani siunertarineqarluni Nunatsinni suliffeqarfiit suli annertunerusumik aningaasatigut periarfissinneqarnissaat. Annertunerusumik aningaasaliissuteqarneq tamanna periarfissiivoq ingerlatsivinnut annertuumik aningaasarsiorfiulluarsinnaasutut inissisimasunut, tamatumani pineqarluni aningaasanik atukkiineq aamma toqqaannartumik aningaasaliissuteqarneq.

 

Annertunerusumik quppersakkatsinni ukua paasisaqarfigisinnaavatit:

 

Oqariartuut takorluugarlu

Iluanaarut

Soraarnerussutisiassat pillugit

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14 (UTC-3), kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.