SISA-p kissaatigaa inuiaqatigiinni ineriartornerup ilinniakkatigut qaffasinnerujartuinnarnissaata tapersorsornissaa, pingaartumik aningaasaqarnermut tunngassuteqartunut ilinniagaqarnikkut qaffasissumik taamalu aamma soraarnerussutisiaqalernissanut tunngassuteqartunik ilinniagaqarnikkut. Taamaattumik SISA ukiut tamaasa ukiup aallartinnerani periarfissiisarpoq SISA legat-imik qinnuteqartoqarsinnaaneranik.

2026-imi SISA-Legat-i ukununnga tunniunneqassasoq aalajangiunneqarpoq: Nivi Arnaq Olsen aamma Tove Katrine Egede Motzfeldt.

Nivi Arnaq Olsen Erhvervsøkonomi-mi bacheloritut ilinnikkani Ilisimatusarfimmi 2020-imi naammassivaa, maannakkullu kandidatitut ilinninniarnini Erhvervsøkonomi aallartillugu.

Ilisimatusarfimmi Kandidat-itut ilinniarneq nutaajuvoq aammalu Nivi tulluusimaarpoq ilinniakkamik taassuminnga ilinniaqatigiinni siullersaallutik ilinniagaq taanna Nunatsinni aallartikkamikku. Nivi kajumissuseqarluarpoq piginnaasariligassani inuiaqatigiinni kalaallini piginnaasaqarnerulernermigut qaffassaaqataanissani.

Tove Katrine Egede Motzfeldt Qaqortuminngaaneerpoq. Tove Kujataani Niuernermik Ilinniarfimmi 2014-imi ilinniakkani naammassivaa. Taamanimiilli ukiuni 12-ini niuertarfinni sulilersimavoq, saniatigullu ilinniakkamik qaffasinnerusumik ilinniagaqarnermik aallussisimavoq. Tove Merx 1 Niuernermik ilinniarfimmi Nuummiittumi piffissami august – december 2024-imut ingerlatani naammassivaa, aammalu Merx 2, januar-imiit – juli 2026-imut ingerlatani naammassillugu. Taavalu 3. august-imiit AU- International Transport & Logistik ilinniagaqarfigalugu ingerlatilerpaa.

Toqqissisimaneq annertunerusoq aamma siunissami periarfissanik annertunerusunik meeqqaminut ilaquttaminullu qularnaarinninniarluni Tove-p ilinniagaqaqqilernissamini Nunatsinnilu ineriartornermut peqataanissaminut anguniagaqarpoq.

SISA-p Nivi aamma Tove siunissami iluatsitsilluarnissaannik kissaappai.

SISA legat-imut pissarsisinnaanermut periarfissat pillugit uani atuarsinnaavatit: SISA-Legati