Suleqatigiinneq nutaaq

Suleqatigiinneq nutaaq 16. marsip 2020

Foto: Ulrik M. Eriksen, SEES

Til venstre: Søren Schock Petersen adm. direktør i SISA - Karsten Høy adm. direktør i Greenland Venture og til højre Rolf Kjærgaard adm. direktør i Vækstfonden

Qanittunik annertuunillu unammillernartuniippugut piffimmi maani eqqumaarisariaqartuni. Taamaakkaluartoq nutaarsiuassaq una apuussassarput nuannaarutigaarput sivisuumik piareersarnikuusarput, Kalaallit Nunaanni siunissami ungasissumi periarfissanik tikkuussisoq. 

 

Suleqatigiinneq nutaaq: Soraarnerussutisiaqalernissamut aningaasaateqarfik SISA-p ineriartortitsinissamut aningaasaateqarfik Vækstfonden aamma Greenland Venture suleqatigilerpai


Soraarnerussutisiaqalernissamut aningaasaateqarfik SISA Kalaallit Nunaanni suliffeqarfinnik aningaasatigut qulakkeerinnittussamik aningaasaleeqatigiinnikkut suleqateqalerput. Marts 2019 aallarnerfigalugu ineriartortitsinissamut aningaasaateqarfik Vækstfonden kiisalu Greenland Venture peqatigiillutik kalaallit suliffeqarfiutaannik aningaasaliisarsimapput maannakkullu SISA suleqataalerpoq. Katillugit 320 mio. kr. Kalaallit Nunaanni suliffeqarfinnut agguaanneqartussanngorput. Aningaasaliinerit suliffeqarfinnut piukkunnaatilinnut attartugassatut toqqaannarlu aningaasaliissutitut periarfissaapput.


Soraarnerussutisiaqalernissamut aningaasaateqarfik SISA, ineriartortitsinissamut aningaasaateqarfik Vækstfonden kiisalu Greenland Venture kattullutik suleqatigiilerput kalaallit suliffeqarfiutaannik aningaasatigut qaffassaaqataajumallutik. Marts 2019 aallarnerfigalugu Danmark Kalaallit Nunaallu inuussutissarsiornikkut suleqatigiilerput, Kalaallit Nunaanni suliffeqarfinnik nukittorsaaniarneq anguniarlugu tassani Vækstfonden aamma Greenland Venture aningaasanik aqutsisuullutik. Suleqatigiinnermut tassunga SISA maanna ilannguppoq:

”SISA-mi sivisuumik kissaatiginikuuarput inoqarfinni nuisanissarput kalaallillu suliffeqarfiutaannik taperseeqataanissarput. Inoqarfinnilu siuliffeqarfinnut aningaasaleeqataasalernikkut tamanna piviusunngussooq piginneqataalluta ineriartortitseqataasinnaalerluta Kalaallit Nunaanni inuiaqatigiinnut suliffeqarfinnullu iluaqutaasussamik. Nuannaarpugut tulluusimaarlutalu kalaalliot suliffeqarfiutaannut aningaasatigut qaffassaaqataasinnaagatta,” SISA-mi pisortaq Søren Schock oqarpoq.

Suleqatigiinnermi nutaami SISA 100 mio. kr.-nik aqutaqalissaaq. Taamaalilluni Vækstfonden aamma Greenland Venture ilanngullutik 300 mio-kr. sinnerlugu immikkut tamarmik 100 mio. kr. pigalugit marts 2019 aallarnerfigalugu. Saniatigut 20 mio. kr. suliniutinut piorsaanissamut immikkoortinneqarput. SISA suleqatigiinnermut suleqatissani naligalugit aningaasaliissutit ingerlareersut peqataaffigilerlugit ilannguppoq.

Suliffeqarnermut Naalakkersuisoq Jess Svane:
”Kalaallit Nunaanni aningaasaliisoqarnissaq pisariaqartinneqarpoq, taamaalilliuta suliffeqarfeqarneq ineriartortissinnaassuarput suliffeqarfiit imminnut napatittut nukittuut pilersillugit. Nuannaarutiogaarput SISA suleqatigiinnermiut taamaattumut ilaalermat kalaallit suliffeqarfiinut piginneqataalernissarput aningaasaliisinnaanerpullu qaffallugu.”

Suliffeqarnermut Ministeriuneq Simon Kollerup:
”Nuannaarutigaara Danmark Kalaallit Nunaallu akornanni suliffeqarfinnut suleqatigiinneq nukittuninngormat SISA aqqutigalugu. Pingaartippara suleqatigiinneq nukittuujussasoq - pisortat namminersortullu aningaasaliisartut akornanni, taamaalilluta kalaallit inerisaasut suliffeqarfiillu pissanganartorpassuit ineriartortissinnaalissuagut.”

Aningaasaliisartut suleqatigiinnissartik qilanaarivaat

Vækstfonden aamma Greenland Venture, SISA aningaasaliisarnikkut suleqatigilernera nuannaarutigaat, soraarnerussutisiaqalernissamut aningaasaateqarfik kalaallit suliffeqarfiutaannut toqqaannaq aningaasaleeqataasinnaanngormat. SISA-p 100 mio. kr.-utai Vækstfonden-ip aqutarissuai. 

”Aningaasaliinikkut SISA suleqatigileratsigu nuannaarutigaarput, Kalaallit Nunaanni suliffeqarfinnut aningaasaliisinnaanissaq annertusissammat. Inuussutissarsiornikkut imminut napatittumik ingerlalernissamut alloriarneruvoq, namminersortunullu Kalaallit Nunaanni suliffeqarfiinut aningaasaliisinnaasunut qanillisaataasussaq. Kalaallit Nunaanni suliniutinut pissanganartunut aningaasaliinissaq qilanaarivarput,” Rolf Kjærgaard Vækstfonden-imi pisortaq oqarpoq.  

Karsten Høy, Greenland Venture-mi pisortaq: 
”SISA-p ilanngunneratigut kalaallit suliffeqarfiit aningaasaliineq isumannaatsuunerusoq kalaallinik sulisulik kalaallinillu piginneqataasussalik qulakkeersinnaassuaat. Qaanaamiit Qaqortumut  suliffeqarfinnut periarfissarpassuaqarpoq, kalaallillu suliffeqarfiutillit oqaloqatiginissaannut qilanaarpugut.”


Ilaqutariit suliffeqarfiutaat aningaasaqarnermit ineriartornermut
Suliffeqqarfiit ilaat suleqatigiinnermut nutaamut iluaqutsereersnikut ilaat tassaavoq ilaqutariit suliffeqarfiutaat, Usisaaq. Usisaat Nuummi allaffeqarfilik nuna tamakkerlugu 100 missaani sulisoqarpoq. SISA-p, Greenland Venture-p aamma Vækstfonden-ip aningaasaliinerisigut suliffeqarfiup siunissamut aningaasaliisinnaanngorpoq nutaanillu suliffinnik pilersitsisinnaalerluni. Nammineq aningaasartuutissat ilanngullugit, ineriartortitsinissamullu aningaasanik 20 mio. kr.-nik attartornermigut ilaqutariit suliffeqarfiutaat Nuummi suliffissamik nutaamik 5.000 kvadratmeterimik pilersitsisinnaalissaaq. Usisaat NUnatsinni piffinni allani aamma suliaqartuuvoq.

”Pilersaarutigaarput suliffeqarfik kattullugu nutarsassallugu, Nuummilu talittarfiup eqqaani 100 mio. kr.-mik nalilimmik suliffeqarfimmik nutaamik isumannaatsumik sanatitsiniarluta. Siunissamut ungasinnermut suleqatigiinnissaq patajaatsoq aningaasaliisugullu immitsinnut tatigeqatigiinnitsigut aatsaat pilersissinnaasimavarput,” Usisaammi pisortaq Arnannguaq Gerstrøm oqarpoq.

Suliffeqarfiit Usisaattut ittut aningaasaliiffigisarnissaat aningaasaliisarnikkut suleqatigiilernerup siunertaraa.

Aningaasaliisarnikkut suleqatigiilernerup paasissutissartai
Greenland Venture A/S aningaasaliisartuuvoq Greenland Holding A/S aqqutigalugu Namminersorlutik Oqartussanit pigineqartoq pilersinneqartorlu aningaasanik  400 mio. kr.miss.nalilik.

Vækstfonden aningaasaliisartuuvoq danskit naalagaaffiata pigisaa. Aningaasaliisarfik suliffeqarfinnik pilersitseqataasarpoq aningaasanik sulisunillu neqeroorluni.

SISA Kalaallit Nunaanni soraarnerussutisiaqalernissamut aningaasaateqarfiuvoq Nuummi allaffeqarluni. SISA-p ilaasortaminit pigineqarpoq.

Marts 2019 aallarnerfigalugu Danmark Kalaallit Nunaallu inuussutissarsiornikkut suleqatigiilerput 220 mio. kr.-mik nalilimmik, taakkunani 100 mio. kr. immikkut Vækstfonden-imut Greenland Venture-mullu siunertaqareerlutik aningaasaliinissamut ingerlasussatut, taakkunani 20 mio. kr. suiliffeqarfinnut aningaasaliissutissatut inissillutik. Maanna Kalaallit Nunaanni soraarnerussutisiaqalernissamut aningaasaateqarfik SISA suleqatigiinnermut ilannguppoq aningaasaliissutissallu 300 mio. kr.-mut qaffanneqarput.

Yderligere information:

  • Søren Schock, adm. direktør, SISA, +299 23 66 18, ssp@sisa.gl
  • Karsten Høy, adm. direktør, Greenland Venture A/S, +299 55 82 97, karsten@greenlandholding.gl
  • Cecilie Idun Andersen, kommunikationsrådgiver, Vækstfonden, på telefon +45 3193 0573, cea@vf.dk

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14 (UTC-3), kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.