Illisimaviuk?

Kvartalit tamaasa aningaasaliissutinik isumaginnittorisarput Danske Bank Asset Management peqatigalugu niuerfinni pissutsit pillugit oqaaseqaatit saqqummersittarpavut. Tassani allaaserisarpavut kvartalit siuliani erniortitassanik aningaasaliissuteqarnitsinni pissutsit suut sunniuteqartitsisarnersut – taamalu qanoq kvartalimi tulliuttumi ilimasuuteqarnersugut.

20201imi kvartalit 1-ni niuerfinni pissutsit pillugit oqaaseqaatit ataatsimut isigalugu takussutissat

Nunarsuarmi aningaasaqarneq Q1: Covid-19-imut akiuussutissaliineq pilertortumik Ingerlanneqarpoq

Kvartalimi siullermi 2021 nunarsuarmi aningaasaqarnermi misigineqarpoq aningaasarsiornermi ingerlatsinerup pitsanngoriaateqarnera. USA-mi pitsanngoriaat sukkanerulerpoq akerlianik Kina-mi sukkassuseq kigaallalaarpoq, taamaakkaluartoq ingerlatsineq suli isumannaalluni. Taamaattorli Europami ingerlatsineq suli sanngiippoq tassami COVID-19-ip tunillaassuunnerata siaruartarnera ajortumik ingerlammat, tamatumalu Europami nunat arlallit COVID-19 pissutigalugu killilersuinerit sakkortuut ingerlatiinnartariaqarlugit. USA-mi killilersuinerit kittaartumik qasukkarneqariartorput kingullerpaamillu COVID-19 pissutigalugu ikiorsiinermut attuumassuteqartinneqarmata, taava tunngavissaqalerpoq USA-mi annertusiartortitsinerup suli sukkanerusumik ingerlalernissaanut. Annertusiartortitsinermut ilimasuutigisarput tunngavigalugu ukiuni aggersuni aningaasat pisissutaasinnaanerisa nalikilliartornissaattut naatsorsuutigisarput iluarsivarput.

Aningaasarsiornermi niuerfinni piffissaq assut unerisimanngiffiusoq nalaanneqarpoq niuerfinni nikerarneq sakkortoqaluni. Niuerfinni nikerarnermut annertuumut nassuiaataasinnaavoq Amerikami erniaqartitsinermik niuerfiit, Fed[1]-ip ernianut aningaasaqarnermi politikkimi naatsorsuutigisaanut ingasattumik naleqqussaanerat, niuerfimmi naatsorsuutigineqartunut kingullermik COVID-19-imut atatillugu USA-mi aningaasaqarnermi politikkimi ikiuissutit annertussusiannut qisuariarnertut.

Ineriartorneq ingammik USA-mi ernianit niuerfinni nikerarnertigut takuneqarsinnaavoq. Naak niuerfinni qularuteqarneq kvartalip siulliup naalernerani annikillilaaraluartoq naatsorsuutigaarput, aningaasarsiornermi niuerfinni suli malunnassaaq manna; COVID-19-eqarnerata ineriartorneranut attuumassuteqartumik qularuteqarneq aammattaaq COVID-19-imut akiuussutissanik nioqqutissiornermut aamma assartuinermut attuumassuteqartumik aarlerinaateqartut.

Politikkimut tunngatillugu oqaloqatigiittarneq USA aamma Kina marsimi Alaskami aallarteqqippaat. Oqaloqatigiinnerni siullerni malugineqarpoq præsident Bidenip naalakkersuisuisa Kina-mut sakkortuumik pissuseqarneq ingerlatiinnarniarlugu siunertaqartut, tamanna Trumpip præsidentiunerani atuuppoq. Taamaattumik USAp  aamma Kina-p akunnerminni pissusiisa ineriartornerannut attuumassuteqartumik suli qularuteqartoqassaaq.

Aktianik niuerfiit 2021-mi kvartalimi siullermi suli qaffariartortoqarpoq. Naalagaaffiit obligationiisa erniaat ingammik USA-mi qaffapput. Amerikami erniat qaffakkiartornerat aamma aningaasat pisissutaasinnaanerisa naleerukkiartornerannut ernumassuteqarnerup kingunerisaanik aktianit niuerfinni aammattaaq akigitinneqartut assigiinngissusiat annertusivoq.

 

[1] USA-mi qitiusumik aningaaserivissuaq (Fed).

SISA-p aningasaliiffigisaani pissarsiat ineriartornerat

SISA Annertusiartortitsineq 2021

SISA Annertusiartortitsineq

SISA Annertusiartortitsinerup ilaa Danske Bank Asset Managementimit ingerlan-neqartoq 2021-mi kvartalimi siullermi pitsaasumik iluanaaruteqarfiuvoq 4,39 % missaanik. Aktianut nuussiartorneq pingaarneq kvartalip naanerani 68 %-imik annikinnerulaarpoq, 31 %-t missaat obligationinut aningaasaliissutigineqarput taakkua saniatigut aningaasat tigoriaannaat ikittuinnaat.

SISA Aalaakkaasoq 2021

SISA Aalaakkaasoq

SISA Aalaakkaasup ilaa Danske Bank Asset Managementimit ingerlanneqartoq kvartalimi siullermi minusimik iluanaaruteqarfiuvoq 0,17 %-imik. Aktianut nuussiartorneq pingaarneq kvartalip naanerani 30,7 %-imik missaaniippoq, 62 %-t missaat obligationinut aningaasaliissutigineqarput taakkua saniatigut aningaasat tigoriaannaat ikittuinnaat.

 

Aningaasaliissuteqarnitsinnut pilersaarut aamma tunngaviusumik aallaaviit taamalu ileqqorissaarnissamut malitassat immikkoortumik Aningaasaliissuteqarnerit –ni allaaserineqarput.

 

Qaammatit tamaasa kurs-it / aningaasat nalingi imaluunniit pigisat nalillit nalingisa ineriartornerat malinnaaffigisarpavut taamalu aningaasaliissuteqarnermi ataatsimut pissarsiat takussutissiarineqartarlutik uani Iluanaarut

 

Niuerfinni pissutsit pillugit oqaaseqaatit tamakkiisut – kvartalit 4-ni 2020-imi taamaallaat qallunaatuujusoq - takusinnavatit uani SAQQUMMERSITAT/Niuffaffinni tunngasunik oqaaseqaatit