Illisimaviuk?

Kvartalit tamaasa aningaasaliissutinik isumaginnittorisarput Danske Bank Asset Management peqatigalugu niuerfinni pissutsit pillugit oqaaseqaatit saqqummersittarpavut. Tassani allaaserisarpavut kvartalit siuliani erniortitassanik aningaasaliissuteqarnitsinni pissutsit suut sunniuteqartitsisarnersut – taamalu qanoq kvartalimi tulliuttumi ilimasuuteqarnersugut.

2021imi kvartalit 2-ni niuerfinni pissutsit pillugit oqaaseqaatit ataatsimut isigalugu takussutissat

NUNARSUAQ TAMAKKERLUGU ANINGAASAQARNERUP 2021-MI KVARTALIP AAPPAANI INERIARTORNERA: ammariartortitsinermi festi aallartivippoq

Covid-19-imut akiuussutissat sunniutaat pitsaasoq 2020-mi ukiakkulli saqqummiunneqarmata ilimasuutigisat assut annertupput – aningaasaqarnermi ineriartornermut taamatullu aammattaaq niuerfinnut. Ilimasuutigisat tamakku nalinginnaasumik kvartalip siuliani piviusunngorput.

 

USA siulliulluni aallartippoq, tassami akiuussutissanik kapisisarnerit ukiut nikinnerisa kinguninnguatigut aallartinneqarmata. Tamatuma kingunerisaanik peqqinnissaqarfiup tatisimaneqarnera annikillivoq taamaattumillu ammariartortitsineq kvartalimi siullermi aallartereersimalluni. Aningaasaqarnermi politikimi malunnaateqarluartumik sunniinikkut marsip naanerani aningaasaqarnermik eqquisoq iluaqutigalugu, taava USA sukaavilluni kvartalip aappaanut appakaappoq, inuinnaat atuinerat qaffasilluni, sulisut malunnaateqarluartumik amerlillutik – aamma aningaasat pisissutaasinnaanerat appasilluni. Ataatsimut isigalugit USA-mi kisitsisit najoqqutassat takutippaat kvartalimi siullermi annertusiartortitsinerup qaffasissuunera aamma aningaasat pisissutaasinnaanerat appasilluni.

 

Ataatsimut isiginnilluni ingerlateriaatsit taamaattut aammattaaq Europami atuupput. Tamaani ammariartortitsineq aatsaat iluamik aallartippoq kvartalit aappaanni akiuussutissat pisiarineqarnerani tigusisarnernik unamminartoqarnera pissutigalugu. Taamaattorli kvartalip qiteqqunnerani Europami nunat anginerit ulluinnarni akiuussutissanik USA-mi kapisisarnerit amerlassusiatigut anguaat, kiisalu kvartalip naanerani Europap USA-p akiuussutissanik kapisisarnermini USA-p siuaqqanera angulereerpaat innuttaasut 50 procentiat ikinnerpaamik ataasiarlugit kapisimallugit. Taamaattumik Europami annertusiartortitsineq kvartalimi siullermit, tassani annertusiartortitsineq pitsaanngitsuusimalluni, kvartalit aappaannut assut ingerlarsorpoq. Naak aamma aningaasat pisissutaasinnaanerisa appasinnerat qaffakkaluartoq tamanna USA-mitut annertutiginngilaq – ilaatigut aningaasaqarnermi politikikkut sunniinerup annikinnerunera pissutigalugu.

 

Aningaasanik niuerfiit kvartalit aappaanni ajunngitsumik ingerlapput. Tassa ataatsimut isiginnilluni nunarsuarmi aningaasaqarneq sakkortuumik annertusiartortitsiffiuvoq aamma aningaasat pisissutaasinnaanerisa appasinnerat kvartalit aappaanni annertuvoq USA aamma Europa siuttuullutik.Tamanna niuerfinni takuneqarsinnaavoq tassani nunarsuaq tamakkerlugu aktiat niuerutigineqartartut 7 procentit missaannik qaffammata. Erniat qaffasissusiat naalagaaffiit obligationiinut sunniuteqartut akerlianik allanngorpallaanngillat kvartalimi siullermi malunnaateqarluartumik qaffariariarlutik. Taamatuttaaq amerikami dollari ataatsimut isigalugu pitsanngorpoq amerikami aningaaserivissuaq (centralbank) juunimi oqariartuuteqarmat obligationinik pisiortortarneq oqallisigineqartariaqartoq, akerliani europami aningaaserivissuup oqariartuutini attatiinnarpaa aningaasaqarnikkut assut qajassuartumik politikeqarniarluni. Kreditobligationinik niuerfimmi erniat assigiinngissutaasa imminnut  qanilliartornerat ingerlaqqiinnarluni.

 

Aningaasanik niuerfinnut siunissaq orniginarpallaarunnaarpoq. Pitsaanerpaaq arlalitsigut qaangiutereerpoq kisianni festi suli uninngilaq. Erniaqartitsinissamut ilimanaateqartut aktianut tunngatillugu Europamiipput. Aktiatigut erniaqartitsineq 2021-mi ukiup affaani siullermi 10 procenti qaangingaatsiarlugu, takutippaat aktiani niuerfiit ammaaqqinnermut assut iluarinnittut. Ima pitsaatigaaq uagut maannakkut nalilersinnaallutigu amerikami aktiat 10-15 procentimut inissittut akisuallaartumik nalilerneqartut. Tamanna imatut paasineqassaaq siumut isigaluni ilimanaatillit malunnaatilimmik orniginarnerat appasinnerusoq. Annertusiartortitsinerup annikilliartornissaa 2022-p tungaanut naatsorsuutigaarput, nalinginnaasumik tamatuma aammattaaq kingunerisarpaa aktiat ingerlalluarnertik pingaaruteqartoq annaasarmassuk. Akerlianik annertusiartortitsinerup qaffasissup amerikamiut aktiataannik uninngatitsissaaq, kiisalu uagut ilimagigatsigu aningaasanut politikkip nalinginnaasunngoriartornerata sallaatsumik aamma kigaatsumik ingerlassasoq, taava naatsorsuutigaarput tamatuma tungaaninngaanniit aktianik niuerfiit annertuumik kalluarneqarnavianngitsut. 

SISA-p aningasaliiffigisaani pissarsiat ineriartornerat

SISA Annertusiartortitsineq 2021

Kilde: Danske Bank Asset Management

SISA Annertusiartortitsineq

SISA Annertusiartortitsinerup ilaa Danske Bank Asset Managementimit ingerlan-neqartoq 2021-mi kvartalit aappaanni pitsaasumik erniaqartitsiffiuvoq 5,27 %-it missaanik. Taamaalilluni ukiup affaani siullermi katillugit erniaqartitsineq 9,8 %-iuvoq. Aktianut nuussiartorneq pingaarneq kvartalip naanerani 66 %-imik annikinnerulaarpoq, 32 %-t missaat obligationinut aningaasaliissutigineqarput taakkua saniatigut aningaasat tigoriaannaat ikittuinnaat.

SISA Aalaakkaasoq 2021

Kilde: Danske Bank Asset Management

SISA Aalaakkaasoq

SISA Aalaakkaasup ilaa Danske Bank Asset Managementimit ingerlanneqartoq kvartalit aappaanni ajunngitsumik erniaqartitsiffiuvoq 2,95 %-imik. Taamaalilluni ukiup affaani siullermi katillugit erniaqartitsineq 2,9 %-it eqqaaniippoq. Aktianut nuussiartorneq pingaarneq kvartalip naanerani 30 %-ip missaaniippoq, 61 %-it missaat obligationinut aningaasaliissutigineqarput taakkua saniatigut aningaasat tigoriaannaat ikittuinnaat.

 

Aningaasaliissuteqarnitsinnut pilersaarut aamma tunngaviusumik aallaaviit taamalu ileqqorissaarnissamut malitassat immikkoortumik Aningaasaliissuteqarnerit –ni allaaserineqarput.

 

Qaammatit tamaasa kurs-it / aningaasat nalingi imaluunniit pigisat nalillit nalingisa ineriartornerat malinnaaffigisarpavut taamalu aningaasaliissuteqarnermi ataatsimut pissarsiat takussutissiarineqartarlutik uani Iluanaarut

 

Niuerfinni pissutsit pillugit oqaaseqaatit tamakkiisut – kvartalit 4-ni 2020-imi taamaallaat qallunaatuujusoq - takusinnavatit uani SAQQUMMERSITAT/Niuffaffinni tunngasunik oqaaseqaatit