Legati 2022 tunniunneqarpoq. 

Inuiaqatigiinni ineriartorneq tapersersorlugulu ilinniartitaanerup qaffassarnerneqarnera peqataaffigerusupparput, pingaartumik aningaasaqarnikkut ingerlatsinerup ataani immikkullu soraarnerussutisialerinerup iluani tapersersuinikkut.

Ukiut tamaasa legatit marluk immikkut DKK 25.000,- inik aningaasartallit, akileraarut sioqqullugu, agguaanneqartarput. 

Pisortatta qullersap Søren Schock-Petersen legati Camilla-mut tunniuppaa

Camilla Nielsen

Camilla 29-nik ukiulik Nuummi najugaqartoq, aningaasaqarnermut tunngasumik ilinniagaqarnikuuvoq ulluinnarnilu BankNordik-mi soraarnerussutisiassanut tunngasunik siunnersortitut atorfeqarluni.

Aningaasaqarnermut ilinniagaqarnikuunermigut saniatigut aamma diplomimik allagartartaarnikuuvoq ilinniakkami atilimmik Regnskab og Økonomistyring.

Camilla sulinermi saniatigut ilinniarpoq Cand. Merc. Aud-tut (revisor-tut) semester pingajussaa aallartissallugu septemberimi Syddansk Universitet-mi. Camillap ilinniarnera revisor-tut aningaasaliiffigineqanngilaq nammineerlunilu kajumissutsini atorlugu aningaasalersorlugulu angalanerillu ilinniarfimminut najugaqarneq ilanngullugit akilersimallugit.

Pisortatta qullersap Søren Schock-Petersen legati Ilanguak-mut tunniuppaa

Ilanguak Thomsen

Ilanguak 41-nik ukiulik Nuummi najugaqartoq ilimmarfimmi Bacheloritut inatsisilerineq ingerlappaa September-imilu semesteri tallimassaa aallartissallugu.

Inatsisilerinermi ilinniagaq Cand.jur naliginnaasumik Danmark-miinnaq ilinniarneqarsinnaavoq, Ilanguak-li aallarnisaaqataavoq peqatigiiffimmik. Peqatigiiffiup siunertaraa sunniinissaq ilimmarfik-mut aammalu Naalakkersuisunut,  ilinniarneq pineqartoq Cand.jur nunatsinni ingerlanneqarsinnaalernissaanut, peqqutigalugu ilinniartut Kalaallit Nunaanneersut 70 %-ii  sinnerlugit nunatsinni ilinniarneq ingerlakkusuttarmassuk.

Ilanguak ilinniarnermi sianitigut Peqqissutsimut Naalakkersuisoqarfimmi sapaatip akunneranut, akunnerit 20-it sulisarpoq ikiortaalluni inatsisilerituutut.

 

Camilla aamma Ilanguak pilluaqqungaarpagut legati 2022-mut toqqagaanerannut.

SISA Legati pillugu maana paasisaqarnerusinnaavutit qanorlu illit qinnutigisinnaanerlugu paasisaqarlutit. Neriuutigaarput ukioq 2023-mi qinnuteqartut arlaqartut takussallutigit.